Um þráðlaust staðarnet
Til að geta notað þráðlaust staðarnet verður slíkt net að vera til staðar og tækið að
vera tengt þráðlausu staðarneti. Sum þráðlaus staðarnet eru varin og það þarf að
fá aðgangsorð hjá þjónustuveitunni til að geta tengst þeim.
Til athugunar: Notkun þráðlauss staðarnets kann að vera takmörkuð í
einhverjum löndum. Í Frakklandi er aðeins heimilt að nota þráðlaust staðarnet
innandyra. Nánari upplýsingar fást hjá yfirvöldum á staðnum.
Aðgerðir sem byggjast á þráðlausu staðarneti eða mega keyra í bakgrunni á meðan
aðrar aðgerðir eru notaðar ganga á rafhlöðu tækisins og draga úr endingu hennar.
Tækið þitt styður eftirtalda möguleika í þráðlausu staðarneti:
•
IEEE 802.11b/g og WAPI staðla
•
Notkun á tíðninni 2,4 GHz
•
WEP-dulkóðunarstaðalinn (Wired equivalent privacy) með allt að 128 bita
lyklum, Wi-Fi staðalinn (WPA) og 802.1x sannvottunaraðferðir. Aðeins er hægt
að nota þessa valkosti ef símkerfið styður þá.
Tengingar 125
© 2011 Nokia. Öll réttindi áskilin.
Mikilvægt: Alltaf skal virkja eina af tiltækum dulkóðunaraðferðum til að auka
öryggi þráðlausrar staðarnetstengingar. Notkun dulkóðunar dregur úr hættunni á
því að einhver fái aðgang að gögnunum þínum án heimildar.